Deputeti i PDK-së, Përparim Gruda, u përplas me Agim Bahtirin e VV-së gjatë seancës së sotme të Kuvendit.

Gruda theksoi se PDK-ja nuk merr pjesë në procedurat parlamentare pa u zgjedhur qeveria dhe u përgjigj ndërhyrjeve të Bahtirit.

“Mos u ngut se një jam, kështu që duroni sot pak të foli edhe unë, një jam prej PDK, nuk kam ardh për propagandë… Ju nuk ma diktoni qysh e mbaj fjalimin unë”, tha ai.

Më pas ndërhyri kryetari i kuvendit, Dimal Basha, që i kërkoi Grudës ta vazhdojë fjalimin.

“Z. Gruda vazhdonë fjalimin, se s’dëgjohen”, tha Basha.

“Midis konstitutimit të Kuvendit dhe zgjedhjes së qeverisë nuk lejohet me u mbajt seancë për asnjë cështje. Ky është standard i njohur në mbarë botën”, vazhdoi Gruda.

“Si mund të formohen komisionet parlamentare kur nuk definohen kush është opozita dhe kush është pozita. Kosova s’ka opozitë dhe pozitë sot… I vetmi përjashtim bëhet kur qeveria në dorëheqje ka të drejtë me propozu buxhetin në kuvend, kjo nuk është qeveri në dorëheqje”, tha ai.